AQTA-dan sahibkarların NƏZƏRİNƏ- VİDEO

Azərbaycan Respublikası Qida Təhlükəsizliyi Agentliyi (AQTA) qida təhlükəsizliyi sahəsində maarifləndirmə tədbirlərini davam etdirir.

AQTA-dan News24.az-a verilən məlumata görə, bu dəfə Agentlik qida məhsullarının idxalı mövzusunda maraqlı videoçarx hazırlayıb. Yeni videoçarxda sahibkarların üzərinə düşən məsuliyyət, onların öhdəlikləri və bu sahədə mövcud qanunvericiliyin tələblərinə diqqət çəkilir.

Videoçarxın hazırlanmasında əsas məqsədlərdən biri də qida təhlükəsizliyinin təmin edilməsi istiqamətində sahibkarların maarifləndirilməsi və onlara mövcud qaydaların aşılanmasıdır.

Videoçarxda qida məhsullarının idxalı ilə məşğul olan sahibkarların əməl etməli olduğu qaydalarla yanaşı, əhalinin təhlükəsiz qida məhsulları ilə təmin olunmasında və gələcək nəsillərin sağlam böyüməsindəki sosial məsuliyyətləri də diqqətə çatdırılır.

Qeyd edək ki, ölkəyə idxal olunan qida məhsullarına Azərbaycan Respublikasının Qida Təhlükəsizliyi Agentliyi tərəfindən dövlət nəzarəti həyata keçirilir və Agentlik fəaliyyətə başladığı gündən bu sahədə geniş maarifləndirmə tədbirləri aparır.