Damdan həyətə, daş pilləkənin üzərinə çırpılan FƏHLƏNİN FACİƏVİ ÖLÜMÜ

Bakıda 26 yaşlı usta faciəvi şəkildə ölüb.

News24.az-ın xəbərinə görə, hadisə dekabrın 17-də saat 10 radələrində paytaxtın Sabunçu qəsəbəsi, Əfəndiyev küçəsindəki evlərdən birində baş verib.

Belə ki, 1993-cü il təvəllüdlü Əli Abbasovu Müslüm Həsənova məxsus evin damında iş görərkən yuxarıdan keçən yüksək gərginlikli elektrik cərəyanı vurub. Nəticədə, o, damdan həyətə, daş pilləkənin üzərinə çırpılaraq ölüb.

Faktla bağlı Sabunçu rayon Prokurorluğunda araşdırma aparılır. //Report