Sabiq prezident məhkəmənin ölüm hökmünə ETİRAZ ETDİ

Pakistanın sabiq prezidenti Pərviz Müşərrəf Lahor Ali Məhkəməsinin dövlətə xəyanət hökmünə etiraz edib.

News24.az "Dawn" qəzetinə istinadən xəbər verir ki, etirazda xüsusi məhkəmə (Pakistanın keçmiş dövlət başçısına qarşı xəyanət iddiası ilə) işi tez və tələsik başa çatdırdığı qeyd edilib: "Qərarda bir sıra mübahisəli məsələlər və ziddiyyətli ifadələr yer alıb. Xüsusi məhkəmə, Cinayət Prosessual Məcəlləsinin 342-ci hissəsində nəzərdə tutulan təqsirləndirilən şəxsə sual vermədən ölüm hökmünü elan edib. Cinayət prosesi məcburi qanuni tələbə əməl edilmədən başa çatdırıla bilməz".