Ermənilərdən Rusiyada təhqiredici irqçi hücum - VİDEO

Sosial şəbəkələrdə erməni neonasistin gənc cütlüyə hücum anının görüntüləri yayılıb. Hadisə Rusiyanın paytaxtı Moskvada baş verib.

News24.az xəbər verir ki, bu barədə “Çarıqrad” telekanalı xəbər yayıb.

Kadrlarda erməni gəncin kafedə istirahət edən iki sevgiliyə yaxınlaşdığı görünür. Qızdan erməni olub-olmadığını soruşanda, o, müsbət cavab verib, oğlan isə rus olub.

Bundan sonra o, cütlükdən niyə birlikdə istirahət etdiklərini soruşmağa başlayıb və sonra qızın atasının telefon nömrəsini tələb edib. Qız imtina etdikdə isə erməni onun tərəfə stəkanlar atmağa başlayıb.

Qız anasının rus, atasının erməni olduğunu izah etdikdən sonra nasist onu “zibil” və “millətin üz qarası” adlandırıb.

Məlumata görə, gənclərə hücum edən Adam Askoyan “AspeT” erməni neonasist qrupunun lideridir. O da vurğulanır ki, “AspeT” qrupu 2019-cu ilin yayında yaradılıb. Təşkilata girən gənclər öz qurbanlarını sosial şəbəkələrdə axtarır və onların ovuna çıxırlar.

Rəsmi mənbələr və erməni diasporunun nümayəndələri hələ ki məsələ ilə bağlı şərh verməyib.