Ağdamda evdən 26 min dollar OĞURLANDI

Ağdamda evdən oğurluq edən şəxs  saxlanılıb. 

Daxili İşlər Nazirliyinin mətbuat xidmətinin Bərdə regional qrupundan News24.az-a verilən xəbərə görə, Ağdam rayon İmamqulubəyli kənd sakini Əliyev Sabir Elşən oğlu rayonun Quzanlı qəsəbə sakini Ş. Zalışovaya məxsus evə girərək oradan külli miqdarda pul oğurlayıb.

Ağdam rayon Polis Şöbəsinin əməkdaşlarının keçirdiyi əməliyyat nəticəsində S. Əliyev saxlanılıb.

İlkin araşdırma zamanı Ş.Zalışovanın evindən götürülən pulun 26000 dolları zərərçəkənə qaytarılıb. 

S.Əliyevin başqa cinayət əməlinin olub-olmadığı araşdırılır.