"Azərişıq" XƏBƏRDARLIQ EDİR

"Azərişıq" ASC bəzi istehlakçıların, xüsusən də fərdi yaşayış evi, MTK, sənaye və ictimai iaşə obyektləri, hotel, istixana və s. obyektlərin sahiblərinə növbəti dəfə xəbərdarlıq edib.

News24.az xəbər verir ki, bununla bağlı ASC-nin Enerji satışı departamentinin direktor müavini Vüqar Nəbibəylinin jurnalistlərə açıqlamasında bildirib ki, elektrik şəbəkəsinə qanunsuz qoşulan, uçot dəstinə müdaxilə edən və sair hüquqa zidd hərəkətlərə yol verən istehlakçıların enerji təchizatı dərhal dayandırılacaq, elektrik enerjisinin talanmasının qarşısının alınması və təqsirli şəxslərin məsuliyyətə cəlb olunması üçün hüquq mühafizə orqanlarına müraciət olunaraq ASC-nin saytında və KİV-də ictimaiyyətə açıqlanacaq.