Gözəllik salonları da bu saata qədər işləyəcək
    • 22-03-2020, 14:06
    • 2 010

Gözəllik salonları da bu saata qədər işləyəcək

Bu gündən başlayaraq ictimai-iaşə müəssisələrinin iş müddəti saat 09:00-dan 15:00-dək müəyyən edilir.

Nazirlər Kabineti yanında Operativ Qərargahdan News24.az-a bildirilib ki, insanların kütləvi toplaşdığı obyektlərdə virusun daha tez yayılma ehtimalı çox olduğu üçün bu ddım atılıb.

Qeyd edək ki, kafe, restoran, çayxana, internet klubları kimi qadın və kişi gözəllik salonları da bu iş qrafiki ilə işləyəcək.

Burada əsas prinsip insanların virusu bir-birinə yoluxdurmasının qarşısını almaqdır.

Bu istiqamətdə vətəndaşlar da özlərində məsuliyyət hiss etməlidirlər. Harada yoluxma təhlükəsi varsa, oradan uzaq olmalıdırlar.

Bir daha xatırladaq ki, qaydanı pozan müəssisə rəhbərləri sərt şəkildə cəzalandırılacaqlar.