“Şeytanı axtarırdım, gördüm ki, elə özüməm” – 12 il azadlıqdan məhrum olunan narkoman musiqiçi – VİDEO - FOTO

ARB TV-nin “Rezonans” proqramında bu dəfə musiqiçi məhkumun həyatından danışılıb.

12 illik həbs cəzası alan Ceyhun Talıbov həyatından bəhs edərkən bunları deyib:

“Masallıda anadan olmuşam. Doğulandan nağarayla doğulmuşam. Rusiyada biraz yaşadım, sonra atamın ölüm xəbəri gəldi qayıtdım. Evliyəm, bir oğlum da var. Özümün səhvindən çətinliklər oldu. Elə bilirdim ki, mən düzəm. Yolumu azdım. Narkotikə qurşandım, məni gündə öldürürdü. Sonra tutuldum.

Atam onda sağ idi. Çıxanda həbsdən heçnəyi başa düşmədim. Ondan da pis uçuruma getdim. Narkotiki aldım, istifadə etmək istəyəndə polislər tutdu. Mühit böyük rol oynayır. Birin tutub döymüşdüm, pulunu almışdım.

Onda da özümdə deyildim. Bu davadan sonra gedib şikayət edib. Qəsəbədə məni tutdular. 10 il azadlıqdan məhrum etdilər. Toylara məni çox aparmırdılar. Alətlərimi də satmışdım. Toy olanda uşaqlardan götürürdüm nağaranı.

Uşağımı bir dəfə görüşə göndəriblər. Atamı da çox incitmişəm. Atamı muflis etmişəm. Allahın qarşısında necə cavab verəcəm bilmirəm. İndidən məni vahimə basıb. Çox böyük günahlar etmişəm. Şeytanı axtarırdım, güzgüyə baxanda bildim ki, sən demə, şeytan özüməm. Buna qismət kimi baxıram”.