Hindistanda tam karantin elan olundu

Koronavirus pandemiyasına görə Hindistanın bütün bölgələrində karantin elan olunub. 

News24.az xarici KİV-ə istinadən xəbər verir ki, bu barədə ölkənin baş naziri Narendra Modi açıqlama edib. 

Bildirilib ki, 25 mart gecə 00:00-dan etibarən ölkədə tam izolyasiya prosesi başlayacaq. Bu müddət 21 gün davam edəcək. 

Bu addım 1,3 milyard əhalinin yaşadığı Hindistanda koronavirus pandemiyasının yayılmasının qarşısı almaq məqsədi ilə atılıb.