Böyük Britaniyada koronovirusdan 338 nəfər öldü

Böyük Britaniyada koronovirusdan ölənlərin sayı 338 nəfərə çatıb.

News24.az xəbər verir ki, Baş Nazir Boris Conson əmək fəaliyyəti ilə məşğul olanlardan başqa hər kəsə komendant saatı edildiyini bildirib. Qeyd edib ki, ehtiyacı olanlara kömək etməyə gedənlərə və gündə bir dəfə qida və dərman kimi məcburi ehtiyacları ödəmək üçün çölə çıxmağa icazə verilir.

Ölkə daxilindəki bütün kitabxanalar, oyun meydançaları, idman mərkəzləri və ibadət yerləri bağlanılıb və toy mərasimləri ləğv olunub. Həyati əhəmiyyət kəsb etməyən əşyaların satışı ilə məşğul olan mağazalar bağlanıb. Polislərə bu qaydalara əməl etməyənlərə cəza vermək səlahiyyətləri verilib.

Bu qadağaların üç həftə davam etməsi nəzərdə tutulub.