"Evdə qal, idmansız qalma!"

Gənclər və idman nazirliyi Idman TV ilə birgə yeni - "Evdə qal, idmansız qalma!" TV layihəsinə start verir. 

News24.az xəbər verir ki, 25 Mart tarixi, saat 11.00-dan Idman TV-də  start götürəcək layihədə Olimpiya, Dünya və Avropa çempionlarımız skype vasitəsi ilə evdən müxtəlif idman nümunələri göstərəcəklər. Layihənin ilk qonağı Olimpiya və Dünya çempionu Fərid Mansurov olacaq. Növbəti günlərdə Elnur Məmmədli, Toğrul Əsgərov və digər, Olimpiya, Dünya və Avropa çempionlarımız TV layihəyə qoşulacaqlar.

TV layihənin əsas məqsədi  idmana marağı artırmaq, vətəndaşların evdə qaldıqları müddət ərzində onların idmandan, sağlam həyat tərzindən uzaq duşməmələridir.