Koronaviruslu xəstələrin şadlıq saraylarında yerləşdirilməsinə AYDINLIQ GƏTİRİLDİ

"Karantin rejimi effekt vermir fikri ilə razılaşmıram. Sərt karantin rejimi nəticəsində yoluxma sayı hazırda stabildir".

News24.az xəbər verir ki, bunu Nazirlər Kabineti yanında Operativ Qərargahın brifinqində TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva koronaviruslu xəstələrin şadlıq saraylarında yerləşdirilməsi ilə bağlı yayılan məlumata cavab olaraq bildirib. O xəstələrin şadlıq saraylarına yerləşdirilmədiyini deyib: "Heç bir halda tibb müəssisəsindən kənarda xəstə yerləşdirilməyib".

Azərbaycan Respublikasının Prezidentinin köməkçisi Hikmət Hacıyev bildirib ki, sərt karantin dövrünün nəticələri yaxın gələcəkdə öz müsbət nəticəsini göstərəcək: "Əminəm ki, bu məsələdə vətəndaşlarla dövlətimiz həmrəylik nümayiş etdirəcəklər".

Afaq Mirayiq