"Heç bir halda biz çətinlik sözlərini istifadə etməyəcəyik" - Yaqut Qarayeva

"Bu gün hər bir səhiyyə işçisinin qəlbi cəbhədə döyünür".

News24.az xəbər verir ki, bunu Operativ Qərargahın birifinqində TƏBİB-in xəstəliklərin profilaktikası və kontrolu şöbəsinin müdiri Yaqut Qarayeva deyib.

TƏBİB rəsmisi qeyd edib ki, heç bir halda biz çətinlik sözlərini istifadə etməyəcəyik: "Son zamanlar dünyada COVID-19 xəstəliyinin yoluxma sayları artıb. Bugünkü günə olan məlumata görə dünyada 38 milyon koronavirus xəstəliyinə yoluxub. Onlardan bir milyonu vəfat edib.

Bu gün reanimasiyada 113 xəstəmiz var. Biz gözləməmliyik ki, rəqəmlər daha da artsın. 

Hər zaman qapalı məkanlarda gigiyenik qaydalara riayət etmıliyik. 28 sentyabrdan başlayaraq TƏBİB-in idarə heyəti və xüsusi işçi qrupu cəbhə bölgəsindədir. Bütün xəstəxanalarımız fəaliyyət göstərir. Bizim əsgərlərimizin tibbi təminatına xüsusi diqqət göstərilir. Koronavirus xəstələrinin açması tibb işçiləri üçün ikinci cəbhənin açılması deməkdir. Ölkəmizdə yetəri qədər süni tənəffüs aparatları və dərman preparatları var. Hər hansı bir tibb işçisinin virusa yoluxması 14 gün sıradan çıxması və işdən uzaqlaşması deməkdir. Buna görə də hər birimiz kütləvi yerlərdən uzaq olmalı, məsafəni qorumalı və maskadan istifadə etməliyik".