Hikmət Hacıyev erməni deputatın Mingəçevir su anbarını vurmaqla bağlı terror çağırışını qınadı

“Ermənistan Milli Məclisinin "Çiçəklənən Ermənistan" fraksiyasından olan deputatı AŞPA-da təmsil olunan Nairə Zohrabyan Mingəçevir su anbarını vuraraq Azərbaycana qarşı terror törətməyə dair çağırışlar edir. Belə düşüncəyə sahib siyasətçi AŞPA mandatından məhrum edilməlidir. Biz bunu qınayırıq”.

News24.az xəbər verir ki, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev tvitter səhifəsində paylaşıb.