"8 aylıq körpən 29 yaşında qucağına qayıdır, Laçınım" - VİDEOREPORTAJ - FOTOLAR

"Ay aman, necə çətinmiş torpaq həsrəti, Laçınım". 

2020-ci ilin dekabrın 1-i Azərbaycanın Laçın rayonunun erməni işğalçılarından azad olunduğu gün kimi tarixə düşdü. 

Müzəffər Ali Baş Komandan İlham Əliyevin Laçının azad olunaraq doğma Azərbaycana təhvil verilməsi ilə bağlı Xalqa etdiyi müraciətindən sonra vətəndaşlar ilk olaraq Vətənin bütövlüyü uğrundan canından keçən igidlərimizin uyuduğu müqəddəs məkan olan Şəhidlər Xiyabanına üz tutdu. Hər bir sakin Ana torpaq, doğma Vətən uğrunda qanından, canından keçən oğullarımızın ruhlarına dualar oxuyub, onlara yaşatdıları bu sevinc və qürur hissinə görə hər birinin ruhuna minnətdarlıqlarını ifadə ediblər. 

Şəhidlər Xiyabanında əsl coşğu hiss olunub. Biz də News24.az olaraq bu günü 28 ildir Laçınına həsrət laçınlılarla keçirdik. 


Sevda Bayramova
VİDEO - FOTO: Hüseyn Həsənov