"Nissan" "Opel"lə toqquşdu, ata öldü, oğul yaralandı

Ağcabədi rayonunda ölümlə nəticələnən yol qəzası baş verib.

News24.az DİN-ə istinadən xəbər verir ki, dekabrın 21-də saat 9 radələrində Ağcabədi rayonunun Nəcəfqulubəyli kəndi ərazisində Kürdəmir rayon sakini Şaiq Zərbəliyevin idarə etdiyi “Nissan” və Sumqayıt şəhər sakini H.İsmayılovun idarə etdiyi “Opel” markalı avtomobillər toqquşub.

Nəticədə Ş.Zərbəliyev hadisə yerində ölüb, sərnişini olan oğlu və digər sürücü xəstəxanaya yerləşdiriliblər. Ağcabədi RPŞ tərəfindən araşdırma aparılır.