AFFA-da Vətən müharibəsi iştirakçısı ilə görüş keçirildi

Vətən müharibəsinin iştirakçısı, Azərbaycan Futbol Federasiyaları Assosiasiyasının Kütləvi futbol departamentinin əməkdaşı Orxan Mikayıllı ilə bu gün AFFA-nın inzibati binasında görüş keçirilib.

News24.az xəbər verir ki, icraçı vitse-prezident Elxan Məmmədov görüş zamanı torpaqlarımızın azadlığı uğrunda canlarından keçmiş şəhidlərimizə Allahdan rəhmət, yaralılara şəfa diləyib.

Vətən müharibəsinin bütün iştirakçılarına ölkəmizin futbol ailəsi adından təşəkkürünü bildirib.

Məmmədov Azərbaycan Prezidenti İlham Əliyevin Sərəncamı ilə “Xocavəndin azad olunmasına görə” və “Füzulinin azad olunmasına görə” medalları ilə təltif olunması münasibətilə Orxan Mikayıllını bir daha təbrik edib.