Biri polkovnik-leytenant olmaqla 5 hərbçimiz minaya düşdü - Yeniləndi - Foto

Fevralın 8-də Tərtər rayonu istiqamətində mina partlaması nəticəsində Azərbaycan Ordusunun 4 hərbi qulluqçusu Duniyev Kamil Əlibala oğlu, Əhmədzadə Həsən Alik oğlu, Orucov Elşad Lətif oğlu və Ağayev Məhərrəm Oktay oğlu xəsarət alıb.

Müdafiə Nazirliyindən News24.az-a verilən xəbərə görə, ilkin tibbi yardım göstərildikdən sonra yaralılar hospitala təxliyə edilib.

"Hazırda hərbi qulluqçular həkimlərin tam nəzarəti altındadır. Vəziyyətləri stabildir, həyatları üçün təhlükə yoxdur", - deyə qeyd olunub. 


***
13:24

Azərbaycanda polkovnik-leytenant minaya düşüb.

News24.az xəbər verir ki, bu barədə Oxu.az Müdafiə Nazirliyindən məlumat əldə edib.

Bildirilib ki, polkovnik-leytenant Kamil Duniyev Suqovuşanda minaya düşüb.

O, ağır xəsarətlər alıb və hərbi hospitala təxliyyə olunub.


***

“Report”un məlumatına görə, daha 4 hərbçi Tərtər rayonunun Talış kəndi istiqamətində minaya düşüb. Onlar leytenant Həsən Əhmədov, müddətdən artıq həqiqi hərbi xidmət hərbi qulluqçular (MAXE) - Sərxan Qəribov, Elşad Orucov və Məhərrəm Ağayevdir.

Hadisə zamanı hərbi qulluqçular ağır xəsarətlər alıblar və hərbi hospitala təxliyyə olunublar.

Polkovnik-leytenant Kamil Duniyevin ayağı amputasiya edilib.

Faktla bağlı araşdırma aparılır.