Qiymətləri süni artıran apteklərlə bağlı QƏRAR

Antiinhisar və İstehlak Bazarına Nəzarət Dövlət Xidməti tərəfindən ötən il ərzində 30 aptekdə yoxlamalar aparılıb ki, onlardan 25-də qanun pozuntuları aşkarlanıb.

News24.az xəbər verir ki, bu barədə Antiinhisar və İstehlak Bazarına Nəzarət Dövlət Xidmətinin rəis müavini Məmməd Abbasbəyli 2020-ci ilin yekunlarına həsr olunmuş onlayn konfransda məlumat verib. 

Onun sözlərinə görə, 25 aptekdə qanun pozuntusu aşkarlanıb. Antiinhisar və İstehlak Bazarına Nəzarət Dövlət Xidməti tərəfindən apteklərdə dərman vasitələrinin qiymətləri ilə bağlı monitorinqlər aparılıb, istehsalçı və idxalçılarla görüşlər keçirilib: "Dərmanlar tənzimlənən qiymətlərlə aparılır, bundan kənara çıxan apteklərlə bağlı 25 iş üzrə məhkəməyə müraciət olunub”.