"Onun həbsinə nail olacağıq" - Baş prokuror AÇIQLADI

"Əvvəllər qanunsuz fəaliyyət göstərən qondarma "Dağlıq Qarabağ Respublikasının rəhbərləri" tərəfindən Azərbaycan xalqına qarşı törədilmiş cinayətlərə görə ümumilikdə 304 nəfər axtarışa verilib". 

News24.az xəbər verir ki, bunu jurnalistlərə açıqlamasında Azərbaycanın Baş prokuroru Kamran Əliyev deyib. Baş prokuror qeyd edib ki, 
axtarışda olanlardan 40 nəfəri Xocalı soqırımının iştirakçılarıdır. 

O bildirib ki, həmin ittihamlar sübutlarla təsdiq olunub: "Gec-tez həmin şəxslərin məsuliyyətə cəlb edilməsinə nail olunacaq. Özünü qondarma respublikanın rəhbəri elan etmiş şəxs və onunla birgə olan digər şəxslərə qarşı cinayət məcəlləsinin müvafiq maddələri ilə ittihamlar irəli sürülüb".