Azərbaycanda yoluxma buna görə artıb - Prezidentin köməkçisi AÇIQLADI

"COVID-19 bütün ölkələrə təsir edir. Növbəti dalğa hazırda gəlməkdədir və bir çox ölkə qapanmalara gedir. Qapanmalar dalğanın sürətini azaldır. Azərbaycanda da son zamanlar rəqəmlər artmağa başlayıb".

News24.az xəbər verir ki, bunu Nazirlər Kabineti yanında Operativ Qərargahın təşkil etdiyi brifinqdə Azərbaycan Respublikası Prezidentinin köməkçisi – Prezident Administrasiyasının iqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.

Prezidentin köməkçisi bildirib ki, yumşalmalar nəticəsində insanların aktivliyi artdığı üçün yoluxma statistikası çoxalıb.