Paşinyan Ermənistan MN-in təkzib etdiyi MƏLUMATI TƏSDİQLƏDİ

Ermənistanın baş naziri Nikol Paşinyan sabiq baş hərbi müfəttiş,  general-polkovnik Movses Akopyanın ölkəsinin Rusiyadan döyüş sursatı ilə təchiz edilməyən “Su-30SM” təyyarələri alması barədə verdiyi açıqlamanı təsdiqləyib.

Bu barədə Ermənistan mətbuatı məlumat yayıb. 
“Bizi təyyarələri niyə aldıq deyə ittiham edirlər. Bəli, biz təyyarələr almışıq. Və bəli, müharibədən əvvəl raket almağa vaxtımız yox idi. Ancaq siz təyyarələri alardınız, biz də raketləri alardıq”, - deyə Paşinyan bildirib./Qafqazinfo.az/