"Twitter"dəki ilk mesaj 3 milyona satıldı

"Twitter"-in qurucusu Cek Dorseyin sosial şəbəkədəki ilk tviti hərracda 3 milyon dollara satılıb. 

News24.az xəbər verir ki, bu barədə "Twitter" hərrac səhifəsində məlumat yayılıb. Cek Dorsey səhifədə təklifi yayımladıqdan sonra ilk dəqiqələrdə tvitin dəyəri 88 min dollara yüksəlib.

Hərraca "Bridge Oracle"ın baş direktoru Hakan Estavi və Çinli iş adamı, Tron kripto valyutasının qurucusu Castin San qoşulub.

21 Mart 2006-cı il tarixində yayımlanan və "Sadəcə "Twitter"imi düzəldirəm" yazılan tviti H.Estavi alıb.

O, Dorsey tərəfindən imzalanmış və təsdiqlənmiş rəqəmsal sertifikat alıb. Bu, ona tviti yenidən satma və ya sərmayə olaraq xüsusi kolleksiyada saxlama hüququ verir.