Paşinyan Qasparyanı təkzib etdi: "Müharibəni dayandırmaqla bağlı heç nə deməyib"

Ermənistanın Baş naziri Nikol Paşinyan parlament iclasında Qarabağ müharibəsi ilə bağlı bir sıra detallara toxunub.

News24.az xəbər verir ki, bu barədə "Sputnik Armeniya" məlumat yayıb.

N.Paşinyan Baş Qərargah rəisi Onik Qasparyanın 2020-ci ilin noyabrında etdiyi açıqlamasında müharibənin dördüncü günü döyüş əməliyyatlarına son qoymağın lazım olduğu haqda dediyi fikirləri inkar edib: "Tam məsuliyyətlə deyirəm ki, Onik Qasparyanın bəyanatındakı bu məqamın reallıqla heç bir əlaqəsi yoxdur. O, belə bir fikir deməyib. Əksinə, baş qərargah rəisi Azərbaycanın heç bir uğur qazanmadığını, ordumuz tapşırıqları yerinə yetirir və sona qədər də yerinə yetirəcəklərini söyləyib".