İranda sutka ərzində 385 nəfər koronavirusdan ölüb

İranda sutka ərzində 385 nəfər koronavirusdan ölüb
Dünya

29-04-2021, 13:42

Mətn ölçüsü

İranda ötən sutka ərzində 385 nəfər koronavirusdan (COVID-19) ölüb.

Bunu İranın Səhiyyə, Müalicə və Tibbi Təhsil Nazirliyi elan edib.
Bununla da İranda bu virusdan ölənlərin sayı 71 351 nəfərə yüksəlib.
Ötən 24 saat ərzində 19 899 nəfər koronavirusa yoluxub. Beləliklə ölkədə bu virusa yoluxanların sayı 2 479 805 nəfərə çatıb. Virus daşıyıcılarından 5 367 nəfərin vəziyyəti ağır qiymətləndirilir.
İranda indiyədək 1 938 064 nəfər koronavirusdan sağalıb, 15,6 milyondan çox diaqnoz testi həyata keçirilib.
Ümumilikdə İranda 1 milyondan çox vaksin vurulub. Birinci mərhələ üzrə vaksinasiya olunanların ümumi sayı 798 min, ikinci mərhələ üzrə vaksinasiya olunanların sayı isə 204 min təşkil edir.
Koronavirusa yoluxma üzrə 198 rayon qırmızı və 157 rayon narıncı zona hesab olunur. Qırmızı və narıncı zona hesab olunan rayonlara gediş-gəliş qadağandır. Bundan başqa 74 rayon sarı, 9 rayon isə mavi zona hesab olunur. /Trend/