Ötən həftə 100-dən çox şəhid və qazi ailəsinin məişət şəraiti yaxşılaşdırıldı

24-30 may tarixində 119 şəhid və qazi ailəsinin məişət şəraiti yaxşılaşdırılıb.

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyindən News24.az-a verilən məlumata görə, "YAŞAT" Fondu tərəfindən bu müddət ərzində 110 şəhid ailəsi və qazinin tibb xərcləri ödənilib.

Bundan əlavə, 31 şəhid ailəsi və qazinin borc öhdəlikləri qarşılanıb.

Qeyd olunub ki, daha 222 şəxsin məişət şəraitinin yaxşılaşdırılması, 70 şəxsin tibb xərclərinin ödənilməsi, 10 şəxsin borc öhdəliklərinin qarşılanması və 1 şəhid ailəsi və qazinin təhsil xərcləri ödənilməsi istiqamətində işlər görüləcək.