Bakıda təhsil işçilərinin 82 faizi peyvənd olundu

Paytaxtda təhsil işçilərinin 82 faizi vaksinasiya prosesinə qoşulub.

Bu barədə News24.az-a Bakı Şəhəri üzrə Təhsil İdarəsindən məlumat verilib.

“Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq paytaxtdakı təhsil müəssisələrində çalışanların vaksinasiya prosesi həyata keçirilir.

Bu məqsədlə Bakı şəhərində yerləşən ümumi təhsil məktəblərində 10 peyvənd məntəqəsi fəaliyyət göstərir. Hazırki dövrədək paytaxtdakı təhsil müəssisələrində çalışanların 82 faizi vaksinasiya prosesinə qoşulub.

Qeyd edək ki, BŞTİ-nin kollektivi də vaksinasiya prosesində iştirak edib.