Bəşəriyyət ölümlə üz-üzə qalacaq - ŞOK AÇIQLAMA

Corciya Texnologiya İnstitutunun alimləri bəşəriyyətin oksigen çatışmazlığı ilə üzləşə biləcəyini düşünürlər. Oksigenin planetdəki miqdarı milyon dəfə azala bilər. 

News24.az xəbər verir ki, bu barədə "ScienceAlert" məlumat yayıb. 

Bənzər hadisələr, təxminən 2.45 milyard il əvvəl Yer kürəsində baş verib. O zaman oksigen planetin atmosferində praktiki olaraq yox olmayıb. Lakin sonradan toplanmağa başlayıb. Bu cür dəyişikliklər nəticəsində planetdə bəzi bitki və heyvan növləri məhv olub və yeniləri yaranıb. 

Alimlər bildiriblər ki, günəşin atmosferdəki aktivliyi durmadan artır, radiasiya karbon qazını parçalayır. Bu, oksigen istehsal edən bitkilərin yox olmasına səbəb olur.

Elm adamları gələcəkdə planetdə oksigen miqdarının antik dövrdə müşahidə olunan göstəricilərə qayıdacağından ehtiyat edirlər. Bu baş verərsə, planetdəki oksigendən asılı olan bütün canlı orqanizmlər öləcək. Tədqiqatçılar hesab edirlər ki, bu halda Yer kürəsi mikrob orqanizmləri ilə dolacaq.