Bakı Nəqliyyat Agentliyindən sevgi məsuliyyəti

Bakı Nəqliyyat Agentliyi “Sevgi-Məsuliyyətdir” devizi altında yeni sosial maarifləndirmə layihəsinə başlayıb. 

Qurumun mətbuat xidmətindən News24.az-a verilən məlumata görə, məqsəd, yol hərəkəti iştirakçılarının yol hərəkəti təhlükəsizliyi, ictimai nəqliyyatda etik davranış qaydaları və digər bu kimi vacib məsələlərlə bağlı maarifləndirməsini təşkil etməkdir. Layihə çərçivəsində şəhərin müxtəlif yerlərində, xüsusən də hərəkətin intesiv olduğu küçə və prospektlərdəki reklam qurğularında, eyni zamanda “Bakubus” MMC-yə məxsus avtobuslar üzərində maarifləndirmə xarakterli posterlər yerləşdirilib. “Sevgi-Məsuliyyətdir” başlığıyla olan sosial reklamlar hər biri özündə müxtəlif mesajları birləşdirir. Piyada keçidinə diqqət etmək, avtomobillərin düzgün yerdə park edilməsi, sükan arxasında telefondan istifadə, sürücülərin birbirnə qarşı anlayış göstərməsi, sərnişin-sürücü münasibəti, ətraf mühitin qorunması və digər mühüm məsələlər layihə çərçivəsində çatdırmaq istədiyimiz əsas mesajlardandır.