Kamran Cəlili bərə körpülərinin əhəmiyyətindən danışdı

"Bərə körpülərinin illik yükdaşıma qabiliyyəti 6,2 milyon tondur. Bərə körpülərindən Qazaxıstan və Türkmənistan istiqamətində gəmilərimiz hərəkət edir". 

Bunu News24.az-a açıqlamasında “Bakı Beynəlxalq Dəniz Ticarət Limanı” QSC-nin Ro-Ro və bərə terminalı rəisi Kamran Cəlili deyib.

Terminal rəisi bildirib ki, bu körpülərdə yer alan gəmilər 52 və 54 vaqon götürmə qabiliyyətinə malikdir: "Bundan əlavə gəmilərə tırlar, qoşqular və minik maşınları da yükləmək mümkündür. Bu gəmilərlə həmçinin Qazaxıstan və Türkmənistan istiqamətində sərnişinlər də daşınır".