Qəssab bıçağı ilə qardaşının ciyərini parçaladı

Saatlı sakini qardaşını bıçaqlayaraq öldürüb.

News24.az APA.TV-yə istinadən xəbər verir ki, hadisə Saatlı rayonunun Qırağlı kəndində qeydə alınıb. Rayonunu Qıraqlı kənd sakini, 1968-ci il təvəllüdlü Əliyev Arif Səttar oğlu qardaşı Qıraqlı kənd sakini, 1961-ci il Əliyev Əbdülrəhman Səttar oğlunu və onun həyat yoldaşı 1975-ci il təvəllüdlü Əliyeva Arzu Sədaqət qızını qəssab bıçağı ilə bıçaqlayıb. Hər iki şəxs ağır bıçaq xəsarətləri ilə Şirvan şəhər mərkəzi xəstəxanasının cərrahiyə şöbəsinə yerləşdirilib. Həkimlərin səyinə baxmayaraq kürəyindən və qarın boşluğundan bıçaq xəsarəti alan Əbdülrəhman Əliyev əməliyyat stolunda keçinib. Onun həyat yoldaşı Arzu Əliyeva isə qolundan ağır bıçaq xəsarəti alıb.

Qətli törədən Arif Əliyev polis tərəfindən saxlanılıb.

Faktla bağlı Saatlı Rayon Prokurorluğunda cinayət işi açılıb, araşdırma aparılır.