Hazal Kaya Bakıya gəlir
    • 13-01-2022, 12:00
    • 3 636

Hazal Kaya Bakıya gəlir

Türkiyə kinosunun ulduzu Hazal Kaya Azərbaycana gələcək.

"ParkCinema"dan News24.az-a verilən məlumata görə, yanvarın 21-də Park Cinema Flame Towers-də Kayanın iştirakı ilə “Benden Ne Olur?” filminin gala gecəsi keçiriləcək. Qeyd edək ki, bu filmdə Kaya ilə yanaşı Onur Tuna, Nur Fettahoğlu və digər aktyorlar da çəkilib. Hazal Kaya “Adını Feriha Koydum” və “Bizim Hikaye” seriallarında çəkildiyi rollara görə Türkiyənin ən məşhur aktrisalarının birinə çevrilib. 2016-cı ildə Worlds Most Beautifuls internet saytı onu dünyanın ən gözəl qadınları arasında beşinci yerə layiq görüb.

Qeyd edək ki, “Benden Ne Olur?” təgdimat günü, yanvarın 21-də Azərbaycana gələcək. Qonaqlar həmçinin ertəsi gün Bakıda qalmağı, daha sonra Türkiyəyə qayıtmağı planlaşdırırlar. Filmi yaradıcıları ilə birlikdə izləmək istəyənlər qala gecəsi üçün biletləri Park Cinema (parkcinema.az) və iTicket (iticket.az) internet saytlarından əldə edə bilərlər.