Ruslar Çernobıl AES-i ələ keçirdikdən sonra ərazidə radiasiya artıb

Çernobıl ərazisində radiasiyanın nəzarət səviyyəsindən artıq olması qeydə alınıb.

News24.az xəbər verir ki, bu barədə Ukraynanın Nüvə Tənzimləməsi üzrə Dövlət Müfəttişliyinin "Facebook" səhifəsində məlumat verilib.

“Bu ərazidə radiasiya monitorinqi üzrə avtomatlaşdırılmış sistemin onlayn rejimdə əldə olunan məlumatları göstərir ki, qamma şüalanmanın dozasının (qırmızı nöqtələr) nəzarət səviyyələri əhəmiyyətli dərəcədə aşılıb”.

Eyni zamanda qeyd edilib ki, bu ərazidəki işğal və döyüşlə əlaqədar təcrid zonasında radiasiya fonunun dəyişməsinin səbəblərini hələlik müəyyən etmək mümkün deyil.