Xarkovun mərkəzi yenidən atəşə tutuldu - Polis idarəsi və universitet yanır - FOTO - VİDEO

Bu gün səhər saatlarında Xarkovun mərkəzi hissəsi yenidən atəşə tutulub.

News24.az UNIAN-a istinadən xəbər verir ki, atışma nəticəsində Azadlıq Meydanından 1,5 kilometr aralıda partlayış baş verib.

Bildirilir ki, Mironositskaya küçəsində yerləşən Karazin adına Universitetdə yanğın başlayıb. 

Həmçinin qonşulaqda yerləşən Milli Polis Baş İdarəsinin binasının bir hissəsi də yanır.

Ukrayna Fövqəladə Hallar Nazirliyinin Dövlət Xidmətindən verilən məlumata görə, yanğın yaşayış binalarına keçib, alovun genişlənmə təhlükəsi var.

Hadisə yerində xilasedicilər işləyir.

Zərərçəkənlərin sayı və dəymiş ziyan dəqiqləşdirilir.