3 mart “Ümumdünya Vəhşi Təbiət Günü”dür - FOTOLAR

“Ümumdünya Vəhşi Təbiət Günü” ilə əlaqədar martın 3-də Azərbaycanın milli parklarında “açıq qapı” günü keçiriləcək. 

Bioloji Müxtəlifliyin Qorunması Xidmətinin rəsmisi Arzu Babayeva bildirib ki, ictimaiyyəti vəhşi təbiətin mühafizəsinə cəlb etmək, fauna və flora  növlərinin müxtəliflliyi barədə məlumatlandırmaq və təbiətə qayğı göstərməyə səsləmək məqsədilə  “Ümumdünya Vəhşi Təbiət Günü” 2013-cü ildən bütün dünyada qeyd edilir. 

“Hər il müxtəlif adlar altında qeyd olunan “Ümumdünya Vəhşi Təbiət Günü” bu il “Ekosistemlərin bərpası üçün əsas növlərin bərpası” başlığı altında keçirilir”.

Xidmət rəsmisi bu əlamətdar günü təbiət qoynunda keçirmək istəyən hər kəsi Abşeron yarımadasında, ölkənin şimal, cənub və qərb hissəsində yerləşən, zəngin təbii landşafta və özünəməxsus ekosistemə malik olan milli parklarımıza səyahət etməyə dəvət edib.