“Daş fırlanır, dəyir sənin süni, plastik əməliyyatla dolu sifətinə” - Elzadan Nazpəriyə dəhşətli - KÖŞƏ

Xalq artisti Nazpəri Dostəliyeva ilə əməkdar artist Elza Seyidcahan arasında yaşanan qalmaqal səngimək bilmir. News24.az bildirir ki, qarşıdurmanın növbəti raundunda Elza Seyidcahan Nazpəri Döstəliyevanın ünvanına köşə yazıb. İki xanım sənətçinin gərgin münasibəti geniş yazıda, elə Elza Seyidcahanın öz qələmində...

Həyatımizda o qədər sevinməli, şadlanmalı günlərimiz var ki,.. Amma, nə edək, bəzilərinə görə Elzalığımdan cıxıb, onların saxtakarlıqlarını demək məcburiyyətində məni var edirlər. Hətta sənəti olmayan şəxsiyyətsiz sənəti olan şəxsiyyətə iftira atır?

Bax, bunu olduqu kimi açıqlayacam. Sūbutlarım arxivimdədir. Konservatoriyanın, bəstəkarlıq fakültəsinin 2-ci kursunda oxuyanda, mən xalqımızın ustad sənətkarı, dūnya şöhrətli Alim Qasımovla unudulmaz xalq şairimiz Nūsrət Kəsəmənlinin "İnsafsız gözəl" şeirinə bəstələdiyim mahnımızın məşqlərinə başlamışdım. O ərəfədə, Nūsrət Kəsəmənlinin sözlərinə bəstələdiyim "Qadasın aldığım " mahnımı da fikirləşdim ki, palatka toylarından təzə səhnəyə gələn Nazpəri Dostəliyeva oxusun. Onu unudulmaz bəstəkarımız Ramiz Mirişlinin "Yarımı -sevdamı gördūm Allah" adlı mahnısından tanımışdım. Mən də Nūsrət Kəsəmənliyə dedim ki, istəyirəm bu mahnını Nazpəri Dostəliyeva oxusun. Nūsrət mūəllim dedi ki, o kimdir? Tanımıram. Zeynab Dostaliyeva eşitmişəm, çox yaxşı oxuyur, amma Nazpəri adını birinci dəfədir ki, səndən eşidirəm. Dedim ki, yox, bu da pis oxumur. Verək buna, oxusun. Bunları tanış elədim, QOVUŞDULAR BIR- BIRINƏ. Mahnını da oxudu. Orada ustad klarnet ifaçımız Hakim mūəllim, ustad skripka ifacısı Ramin o mahnıda yer aldılar. Mahnı yeni tərzdə bəstələnmiş olsa da hamı ona şedevr əsər kimi yanaşdı. İlk dəfə mahnı və xalq rəqsi janrını sintez etmişdim. Konservatoriyada musiqiçilər arasında gözəl mūzakirə olunmuşdu. Aranjiman da, Paşaya məxsus idi, hansı ki, indi Moskvada məşhur ulduzlarla calışır. Saatlarla iki körpə balamı qoyub bunun evində məşglər, studiya yazılışları, cəkilişlərdə, maqazalarda , alış-verişlərdə qızıl kimi vaxtlarımı itirirdim.

Həmin ərəfələrdə uşaqlarımla Biləcəridə - anamın himayəsində yaşayırdım. Mənə 1 manat belə vermirdi ki, bəlkə 92 nömrəli avtobusa minəndə pulun olmaz? Mən hec özūmə sığışdırıb pul da istəməmişəm. İndi də deyir ki, guya mən "mən - mən "deyirəm. "Mən - mən" deməyib "sən-sən" deyəsi deyiləm ki? Hələ efirdə Yalçın Rzazadə kimi şəxsiyyətli sənətkarın yanında utanmır ki, iftira ataraq "şəxsiyyətli sənətkar" moizəsi oxuyur.

Yalan deyil ki, deyirsən ki, “mən Respublikanın Əməkdar artisti idim . Elza onda qorxa-qorxa qapımdan girdi ki, mahnımı oxu tanınım?" Ay saxtakar ! Mən onda, artıq dahi bəstəkarımız, Arif Məlikovun bəstəkarlıq sinifində 3-cū kursunda oxuyurdum. Dövlət Televiziya kanalımızda 3 hissəli böyūk formada bəstələdiyim fortepiano sonatamı ifa edirdim, tələbələrimlə gənc vaxtımda cıxış edirdim "Sūbh şəfəqləri" , "Ələkbər əmi " verlişində. Redaktorlar Səyyarə xanım, Rafiq Savalanlar idilər.
Hətta sūbutlarla ona görə bunları yazıram ki, gūlməli də olsa, qondarma (Doktorantura mūdafiəcisi , professor mūəllim "Naz-naz" mahnısının mahir qəhramanı) xatırlasın ki, yalan ayaq tutar yeriməz ki, yeriməz!

Heç olmazsa evinizdə Kəmalə var idi ey, mən sizə gələndə - toylarda nağara çalanın (Kəmalə cox qabiliyyətli insan kimi xatirimdə qalıb.) O, Qaz -24 markalı maşınla bizi aparırdı studiyalara.
İndi mənim vaxtımın olmayan halında sənə "Ələddinin sehirli çırağı” nağılını sakit-sakit şeir qoşub, mahnı bəstələyim deyirsən? Axı mən özūmə sənin kimi hec vaxt yaraşdırmamışam, paxıllıq, xudbəsəntlik, nahaq haqqa qirmək, şər - böhtan atmaq, yalançılıq. Bir sözlə, murdar ARTİSTLİK!
Keçirəm yenə iftiraçının yalanını ūzə çıxardım! Artıq məni Arif Məlikovun istedadlı tələbələrindən biri kimi tanımağa başlamışdılar. Həm də, Alim Qasımovun evində Novruz bayramı ərəfəsi verliş çəkilmişdi. Orada məşqimiz zamanı olduğu ūçūn məni də Alim mūəllim və övladları ilə çəkdilər. Mən Nazpərinin evinə zəng edəndə, o artıq məni tanıyırdı.

Dedi ki, aa , baxmışam, görmūşəm səni verilişdə. Gəl bizə mahnıya baxım. Ūnvan da keçmiş “Muğam” mehmanxanasının yanında, 4 mərtəbəli binanın 3 cū mərtəbəsində, qalxanda sağ qapı. (Mənim yaddaşım cox yaxşıdır. Nə qocalmışam ki, bəhanəm olsun, nə də iftiraçı deyiləm ki, böhtanım olsun.)

Nə isə,... Gəldim, qapılarını döydūm. Bir kök qadın əynində qirmızı paltar, boqazı sarıqlı, qapını açdı. Soruşdum ki, Nazpəri xanımı olar? Dedi ki, mənəm də - "makiyajsız adam o adam deyil".
Girdim evə, oturdum, pianinoda mahnını ifa edib, göstərən kimi, mahnıdan ötrü az qala ūrəyi getmişdi.
Bəyəndi və qısa zamanda da oxudu. O ərəfədə unudulmaz bəstəkarımız Tahir Əkbərin mahnısını da oxudu. Ətiqə Əkəkbərova, Cavanşir Quliyev, Xanım İsmayılqızı, Cabbar Musayev, nəhayət, Brilyant Dadaşovadan sonra Siyavuş Kəriminin studiyasına qorxa- qorxa ancaq Nazpəri girib, deyə bilər ki, məni ELİTALAŞDIRIN! Brilliyant kimi işıldamaq, bərq vurmaq istəyirəm. Dūzdūr, əzizimiz ,cox hörmərli bəstəkarımız Milli Konservatoriyanın rektoru Siyavuş mūəllim "Dilbərim" kompozisiyasını layıhələşdirdi. Ancaq insan sənətə gəlmir, DOĞULUR! Toylar əldən gedir deyə, yenə Cabbar Musayev "xoroşo" deyibən, hūcum çəkdi əziz bacım, canın əməkdar Artist Könūl Kərimovanın ūstūnə ki, ver Cabbarı, qaytar mənə o illəri. "NƏ OLAR ALLAHIM AYIRMA BİZİ" hayqırtısının şahidi özūm oldum. Onda rayonların birində dövlət tədbirində idik.

Mən də Könūl bacımın maşınında getmişdim. Az qala Nazpəri saçyoldusuna keçəcəkdi ki, artıq "poezd çoxdan uşel Nazpəri"… Könül bacma da ağcabədili deyiblər haa! Ay verdi sənə Caboşunu. Əcəb də elədi. Sənətlərində hər zaman uğurlarla addımlayırlar uzun illərdir. Uğurlar arzu edirəm 2 sənətkarımıza da...

Həəə.. İndi siz deyin mənə , Samiraldo demiş, "Ay mənim canlarım"! Bəstəkar mahnı verəndə niyə qorxa - qorxa gəlməlidir ki? Özü də "qapımdan girdi" ey...
Oğurluqmu edir?!

Qapınızdan çoxu giribsə, Elza Seyidcahan daxil oldu. Özü də ali savadlı, 2 uşaqlı pak bir ana. Sən isə diplomsuz, adsız, orta məktəb atestatının bəlkə də böyük sual altında "KAFİ"dən də aşaqı məzunu idin.

Evinə gələn bəstəkar başqasının ərinin pulu ilə özūnə qır-qızılmı alır ki,  "saçlarının yolunmasından və yaxud, səhnəyə gələndən sonra qiyabi təhsilmi alıb ki, savadsızlığından, (Heç incəsənəti də, "qiyabi" oxuyarlar?) məyər kitablar mütaliə etməyib ki, sənin kimi toy dəftərinin ūstūnə "şeirlər” yazmaq əvəzinə "Şeyirlər" yazsın?" Saxta alimlik diplomu dərəcəsi alıb ki, biyabırçılıqından , elmi- nəzəri dildə, musiqi terminlərini bilməməyindənmi qorxur?!

Nədən, niyə qorxmalı idi ki, Elza Seyidcahan?

Mən ona mahnı təqdim edəndə adı ancaq "Palatka toylarında tərif oxuyub şabaşlarla xoncalarda atrez və konfet qazanan və o vaxtı gündəmdə olan "Xoruz" və "Helilyoza " mahnılarını ayaqyalın oynayardı. Ona görə də dabanı cirkili müğənni deyərdilər.

Brilliant xanım 1998 ci ildə əməkdar artist olanda siz axı hələ onun ləpirlərində gəzirdiz ki, onun stilisti Ruxa xanıma, foto operatoruna, hətta onun həkiminə belə mūraciət edirdiz .

Mən özūmə bir bəstəkar kimi borc bilirəm ki, deyim. Mənə sənətimdə dəstək oldu Brilliant xanım. Pul verdi, Heydər Əliyev adına Sarayda solo konsertində məni royalda konsertin axırına kimi otuzdurdu ki, "Elza cox gözəldir. O, həm ifa etsin, həm də, səhnə daha da gözəl görünsün". Molla Pənah Vaqifin sözlərinə bəstələdiyim "Toy adamları" kompozisiyasını ilk dəfə ifasında tamaşaçılar ayaq üstə alqışladılar. Nazpəri isə Heydər Əliyev adına Sarayda ilk solo konsertinə mənə dəvətnamə də yollamadı. Axı onda artıq 2 mahnımı oxuyurdu. Sabir Rüstəmxanlının "Getmə ömründən" sözlərinə bəstələdiyim mahnı da onlardan biri idi.

Hətta zəng elədim ki, mənə dəvətnamə vermirsiz? Həmişəki kimi şit-şit, məntiqsiz cavab verib, qulağıma “adboy” etdi. Brilliant xanım Xalq Artisti oldu. Nazpəri isə ondan çox sonra aldı. Necə olur ki, mən ona mahnı təqdim edəndə "Respublikanın Əməkdar artisti" olur?

Biz görmūşūk ki, həmişə tələbələr mūəllimlərin arxasında gizlənər, yaxşı mənada özlərinə bir ūmūd qapısı olaraq müdafiə olunarlar. Savadsız, dayaz adam, özūnū bəlli məsələlərlə quraşdırma mūəllimə dərəcəsinə gətirib çatdıran əlbəttə ki, bu gūnkū gūndə mənə şər atmaq istəyəcək. Guya mən qıza "sement qarışdıran" deyib, onu təhqir etmişəm. Ūmumiyyətlə, tələbələrə kobud davranıram. Hər mūəllimin öz xasiyyəti, dəsti-xətti olur. Bu Elza terminalogiyasıdır. Heç vaxt Nazpəri ola bilməz Elza. Mən heç olmasa nə də verə bilməsəm, bir mahnını pulsuz bəstələyib hədiyyə edəcəyəm nəinki öz tələbələrimə, hətta būtūn istedadlı uşaqlara. Sən isə nə savad, nə də 1 kq şor da verən adam deyilsən.

Eqoistliyindən, canlı yayımda məni vurmaq istəyirsən. Amma daş fırlanır, gəlir dəyir sənin süni plastik əməliyyatla dolu sifətinə.

Ūstūmə tələbələri qaldırmaq istəyirsən?!...

Səhəri gūn "Zaur və Günay"ın verilişində pafoslu çıxışında deyirsən ki, "Uşaqlar bura mūvəqqəti gəliblər." Bura məgər uşaq baxçasıdır ki, onlara oyuncaq verək başlarını aldadıb yola salaq?
Biz onlara doğru- dūrūst, dəyərli məsləhətlər verməliyik. Onlar mūvəqqəti deyillər. Gələcəkləri qarşıdadır. Sən xarici rus ifaçıları tanımırsan. Azərbaycan mahnılarının bəstəkarı, şairini, ifacılarını doğru - dūzgūn bilmirsən. Canlı yayımda Cahangir Cahangirovun "Aylı gecə" romansını deyirsən ki, Vasif Adıgözəlov bəstələyib. Mən isə sənin ayıbını örtdūm, susdum. Qulağına pıçıldadım ki, Cahangir Cahangirovun əsəridir.

Efirə yaraşmayan tərzdə, qəhqəhə çəkib, yūngūlcəsinə gülürsən. Bax bunu çox professional edirsən. Bu gūlūşlərin sənin öz ayıblarına çox yaraşır. Çūnki, özūnə komanda yığıb, çörək verənini arxadan vuraraq, ortalıqda "mədəniyyət kaşası" bulamaq həqiqətən də ūrəkbulandırıcıdır.

Əvvala, sement qarışdıran bir obraz olaraq geyimini demişəm, səndən fərqli olaraq, qızımızın repertuarını, ifasını çox bəyənmişəm. İstəmişəm mahnısına uyğun səhnə libası olsun. Ona "Erməni " - deyib, təhqir eləməmişəm ki? Sement qarışdıran zəhmətkeş bacı -qardaşlarımın əllərindən öpərəm mən.

Sənin kimi fitfaladığın arvadlardan boğuşan kişinin dediklərinə, qara qarğa kimi çəpik çalıb qaqqıldaya - qaqqıldaya tənə edib, murdar-murdar təənəli gūlmūrəm ki, həmkar sənətkarlarımıza.

Səndə heç qadın həmrəyliyi də yoxdur. Nə sənət həmrəyliyi olacaq ki?! Təhqirə qalsa, sənin iri - iri, görməmiş-görməmiş, sallaya-sallaya gəzdirdiyin bahalı daş-qaşları elə sənə bazar adamları alıb da…
Dediyin kimi Moskvadakı bazarın pullarıdır hamısı. Onlar hamısı zəhmətkeş, savadlı, ağıllı, əqidəli, haqqı dəyərləndirən insanlardırlar.

Çirkili-çirkili, yalan - böhtan danışanın cavabını elə verirəm ki… Onu şoka salıb, qara qarğa kimi qaqqıldadıb, nəinki yerinə otuzdururam, hətta yerindən durquzuram.

Dediyin kimi, "Bazar adamlarının yanında" bundan sonra sənin nə işin ola bilər axı? Sən özün heç bazar adamlarına layiqsən ki?...

Beş ildir hörmətli ATV- kanalının rəhbərliyi ilə, çox sayqılı Kənan bəyin , mūəllif layihəsi olan, “Azərbaycanın səsi” yarışmasında "Qalib" mūnsifəm. Pis muəllim qalib olar? Ötən yarışmada fitri istedada malik tələbəm İsmayıl qalib olanda ,dilucu belə olsa nə məni, nə də uşağı paxıllıqından təbrik etmədin.

Kreslonun arxasından elə vızıldayıb getdin ki, heç izin də, qalmadı. Bir azərbaycanlı balasıdır. Ay "mərhəmətli, səxavətli” Nazpəri, Maşallah paxıllıq tökūlūr ətəklərindən.

Tūrklər demiş, "siz kimi kandırıyorsunuz...??? Zatən heç kimi kandıramazsınız da, kəndinizdən başqa. Çūnki, artıq sizi hamı cox gözəl tanıyır.

Xalqımızın əsl gözəl sənətkarı, insanlığı ilə səs tembrının, ūrəyinin, səmimiyyəti ilə çoxlu hörmət qazanan Zeynəb xanım Dostəliyevaya xatir bir balaca sən cıran pərdəni "Tikdim."

İndiyənə qədər bacıyla bir duet belə oxumayan, onu efirlərdə qadağa qoyan tələbələrinə nə edəcək ki???

Sənətdə olan bacıları da görūrūk ,səni də. Biz hamımız bilirik ki, Dostəliyeva soyadı deyiləndə "ZEYNƏB"- yaraşır incəsənətimizin qızıl fonduna.

Bu sənət yolu sanki , cəsarət və əqidə, istedad və ūrək, vətənpərvərlik və mərhəmət, füsūnkarlıq və səmimiyyət tələb edən , "Anamızın isti qucaqıdır". Mənim būtūn tələbələrim fəxrimdir.
Sən isə, mənim ən pis tələbəmsən!

Xüsusi olaraq News24.Az üçün:
Elza SEYİDCAHAN