Maşınla piyadanı vurub öldürdü

Səbail rayonunun Azadlıq prospektində yolu keçən paytaxt sakini Ofelya Əliyeva sürücü M.Hetenyinin idarə etdiyi “Kia Sportage” markalı avtomobillə vurulub.

Daxili İşlər Nazirliyinin mətbuat xidmətindən bildirilib ki, hadisə nəticəsində piyada xəstəxanaya yerləşdirilib. Həkimlərin səylərinə baxmayaraq, onun həyatını xilas etmək mümkün olmayıb.

Hadisə ilə bağlı rayon polis idarəsi tərəfindən təhqiqat davam edir./Baku.ws/