Qaxda 17 yaşlı gənci maşın vurdu - Fotolar

Qaxda 17 yaşlı gənci avtomobil vurub.

Hadisə bu gün günorta saatlarında şəhər ərazisində baş verib.

Belə ki Qax şəhər sakini 1996-cı il təvəllüdlü Orucov Rəşad Qurban oğlu idarə etdiyi "Vaz 2107" markalı minik avtomobili ilə hərəkətdə olarkən yolu keçmək istəyən piyada - Qax şəhər sakini 2005-ci il təvəllüdlü Nuriyev Xizir Fikrət oğlunu vurub.

Hadisə zamanı müxtəlif dərəcəli bədən xəsarətləri alan Xizir Nuriyev Qax Rayon Mərkəzi Xəstəxanasına yerləşdirilib.

Faktla bağlı araşdırma aparılır. /Qafqazinfo/