"Ukrayna Krım məsələsini Rusiya ilə müzakirə etməyə hazırdır"

Ukrayna hərbi əməliyyatlar dayandırıldıqdan və Rusiya qoşunları Ukrayna ərazisindən çıxarıldıqdan sonra Rusiya ilə NATO-ya üzv olmaqdan imtina məsələsini və Krımın statusunu müzakirə etməyə hazırdır.

News24.az xəbər verir ki, bunu Ukrayna Prezidenti Volodimir Zelenski deyib.

Zelenski bildirib ki, hazırda Ukraynaya təhlükəsizlik zəmanətləri verməyə hazır olan dövlətlər var. Lakin onların heç da hamısı Rusiya ilə danışıqlar masasına əyləşməyə razı deyil: "Təhlükəsizlik zəmanətləri mövcuddur. Biz bunu istəyirik. NATO məsələsi var, Krım məsələsi var, başa düşürük ki, atışma olmayandan sonra bu haqda danışaq. Bu, normal bir addımdır. Məncə, normaldır. Danışacağıq və qərar verməliyik. Amma atəşkəsdən və hərbi texnika geri çəkiləndən sonra".