"20 Yanvar" stansiyasında hadisə - Qızlar stansiya yoluna düşərək tunelə qaçdılar

Metronun "20 Yanvar" stansiyasında hadisə baş verib.

Bu barədə News24.az-a Bakı Metropolitenindən məlumat verilib.

Bildirilib ki, iki gənc qız "20 Yanvar" stansiyasının stansiya yoluna düşərək tunel istiqamətində qaçıblar. Dərhal "20 Yanvar-İnşaatçılar" mənzilindən yüksək gərginlik çıxarılıb. Stansiya növbətçisi və polis əməkdaşının səyi nəticəsində hər iki sərnişin yaxalanıb və təhlükəsiz şəraitdə müşayiətlə "20 Yanvar" stansiyasına çıxarılıb. Qatarların hərəkəti bərpa olunub. Xətlərdə ümumən 6 dəqiqə yubanma yaranıb.