Zəngilan və Füzulidə yükdaşımalar üçün hab yaradılır

Logistika şirkətlərindən biri "Araz Vadisi İqtisadi Zonası"na rezident kimi fəaliyyət göstərmək üçün İqtisadiyyat Nazirliyi yanında İqtisadi Zonaların İnkişafı Agentliyinə müraciət edib.  

News24.az  xəbər verir ki, bunu açıqlamasında Agentliyin rəhbəri Elşad Nuriyev bildirib.

Onun sözlərinə görə, şirkət 50-yə yaxın yük avtomobili alıb və Zəngəzur dəhlizi açıldıqdan sonra fəaliyyətə başlamaq üçün infrastruktur yaradır.

"Bununla yanaşı "FedEX", UPS, "ASE Express" və "Amerikan Express" şirkətlərinin yerli nümayəndəlikləri "Qarabağ Logistik" adlı şirkət yaradıblar.

Əsas məqsəd orada ("Araz Vadisi İqtisadi Zonası"nda - red.) gömrük anbarlarının yaradılması, Zəngilan və Füzuli beynəlxalq hava limanlarında habların formalaşdırılması, beynəlxalq yükdaşımaların həyata keçirilməsidir",- deyə E.Nuriyev qeyd edib.