Türkiyənin geyim brendləri Rusiya bazarına daxil olmaq niyyətindədir

Türkiyənin bir neçə geyim və məişət əşyaları brendi Rusiya bazarına daxil olmaq niyyətindədir.

News24.az xəbər verir ki, bu barədə məlumatı “İzvestiya” qəzeti yayıb.

Qəzet yazır ki, şirkətlər Rusiyada “adL”, “Mudo”, “LTB”, “Twist” və “Ipekyol” brendlərinin mağazalarının açılması ilə bağlı ticarət mərkəzləri ilə danışıqlar aparır.

Rusiyanın Ticarət Mərkəzləri Şurasının rəhbəri Dmitri Moskalenko Türkiyə şirkətləri ilə danışıqların aparılması barədə məlumatları təsdiq edib.

Bildirilir ki, şirkətlərin hər biri Moskva və bölgələrdə 100-dən çox mağaza açmaq niyyətindədir və ilk olaraq “adL” mağazaları işə başlayacaq.