Yeni Suraxanıda mərkəzi küçənin təmir yekunlaşdı

Bakının Yeni Suraxanı qəsəbəsində mərkəzi küçənin təmir işləri yekunlaşıb.

News24.az xəbər verir ki, barədə məlumatı Azərbaycan Avtomobil Yolları Dövlət Agentliyi yayıb.

Məlumata görə, küçənin uzunluğu 1300, eni isə 8 metr təşkil edir. Torpaq əsaslı küçə hərəkətin rahat və təhlükəsizliyini təmin etmirdi.

Yenidənqurma işləri çərçivəsində küçə boyu zəruri olan yerlərdə yararsız qrunt qazılaraq çıxarılıb, əks-dolğu işləri icra olunaraq yeni yol yatağı tikilib, küçə profilə salınıb, zəruri yerlərdə optimal qum-çınqıl qarışığından yol əsası işlənilib,
2240 p/metr yeni piyada səkiləri inşa olunub. Küçəyə iki qat olmaqla yeni asfalt-beton örtüyü döşənib, kommunikasiya xətlərinə aid quyu qapaqları layihə hündürlüyünə qaldırılıb. Yenidənqurma işləri 12 min kv.m-dən çox sahədə aparılıb.

2021-ci ildə Suraxanı r-da 18,5 km küçə təmir edilib. Cari ildə rayon üzrə 12,5 km küçə təmir olunur.