Sərkisyanın oğlu “MakDonalds”ı almaq istəyib

“MakDonalds”ın Rusiya şəbəkəsini Aleksandr Qovordan başqa daha 5 nəfər almaq istəyib.

Bu barədə “Forbes” məlumat yayıb.

Nəşrin məlumatına görə, namizədlər arasında Rusiyada restoranlar şəbəkəsinin rəhbərləri Arkadi Novikov və Anton Pinski, “MakDonalds”ın françayz-tərəfdaşları Rostislav Ordovski-Tanayevski Blanko və Kayrat Boranbayev, “Kismet Capital Group”un səhmdarı və rəhbəri İvan Tavrin, eləcə də Ermənistanın keçmiş prezidenti Armen Sərkisyanın oğlu da olub.

Qeyd edək ki, mayın 19-da “MakDonalds” Rusiyadakı aktivlərinin “Jujkuzbassuqol” kömür şirkətinin keçmiş rəhbəri Aleksandr Qovora satıldığını bəyan etmişdi. /Axar.az/