Bolqarıstan 70 rus diplomatını ölkədən çıxarıb

Bolqarıstan 70 rusiyalı diplomatı və Rusiya səfirliyinin texniki işçisini ölkədən çıxarmaq qərarına gəlib.

Bolqarıstanın baş naziri Kirill Petkov Rusiya Federasiyasından olan diplomatların casusluqda təqsirli bilindiyini bildirib.

“Bolqarıstanın xüsusi xidmət orqanlarını və Xarici İşlər Nazirliyini əla işlərinə görə təbrik etmək istərdim. Mən təkcə Rusiyaya deyil, bütün xarici dövlətlərə demək istərdim ki, bizim ölkənin maraqlarını zidd işləyən hər kəs ölkədən çıxarılacaq”.

Rusiya Xarici İşlər Nazirliyindəki mənbə Moskvanın rus diplomatlarının Bolqarıstandan çıxarılmasına cavab verəcəyinə söz verib. /APA/