Bağçı: "Qaz tədarükündə Türkiyənin Azərbaycana partnyor olması dünyaya önəmli bir mesajdır"

"Son illərdə yaşadığımız iqtisadi böhranlar və pandemiya həyatımızı tamamilə dəyişdi. Bu pandemiyanın hansı səbəbdən meydana gəldiyi bütün ölkələri maraqlandıran məsələdir. Ölkələrin təhlükəsizliyi, qida və qaz son dönəmlərdə daha da aktuallaşdı. Rusiyanın Ukraynaya hücumu nəticəsində Avropa təhlükəsizliyi məsələsi gündəmə gəldi".

News24.az-ın məlumatına görə, bunu "Şuşa Bəyannaməsindən Sonra Türkiyə-Azərbaycan Müttəfiqlik Münasibətləri, Yeni Regional Reallıqlar, Qarabağın Yenidən Qurulması və İnkişafında Türkiyənin Rolu" mövzusunda keçirilən tədbirdə Türkiyənin Azərbaycandakı səfiri Cahit Bağçı deyib.

O qeyd edib ki, Azərbaycan Rusiyanın kəsdiyi qaz məsələsində Avropaya çıxış yoludur: "Bu qaz tədarükündə Türkiyənin Azərbaycana partnyor olması da dünyaya önəmli bir mesajdır".