"Qarabağ"ın səfər proqramı açıqlandı

UEFA Çempionlar Liqasının pley-off mərhələsinin cavab görüşündə “Viktoriya” ilə qarşılaşacaq “Qarabağ” FK-nın səfər proqramı açıqlanıb.

News24.az klubun rəsmi saytına istinadən xəbər verir ki, komanda avqustun 22-i Çex Respublikasına yollanacaq.

Təyyarə saat 09:30-da Heydər Əliyev Beynəlxalq Hava Limanından Praqa şəhərinə yola düşəcək.

Avqustun 22-də saat 19:30-da (Bakı vaxtı ilə 21:30) "Qarabağ"ın baş məşqçisi Qurban Qurbanovun mətbuat konfransı baş tutacaq. Saat 20:00-da isə (Bakı vaxtı ilə 22:00) matçın keçiriləcəyi Plzen şəhər stadionunda komandanın media üçün açıq məşqi (ilk 15 dəqiqəsi) reallaşacaq.

Qeyd edək ki, “Viktoriya” – “Qarabağ” oyunu avqustun 23-ü Bakı vaxtı ilə 23:00-da baş tutacaq.

İlk matç 0:0 hesabı ilə yekunlaşıb.