Azərbaycanda dəhşətli hadisə: 10 yaşlı uşağın yediyi boğazından çölə tökülür

Azərbaycanda qeyri-adi hadisə baş verib. Belə ki, 10 yaşlı uşağın yedikləri boğazındakı dəlikdən çölə tökülür.

News24.az xəbər verir ki, bu barədə" İstanbul Hospital"ın həkimi Aydın Əliyev sosial şəbəkə hesabında paylaşaraq qeyd edib: 

"10 yaşında uşaq. Boğaz nahiyəsinin ön hissəsinin sağ yarısında iltihablaşmış sist və sonradan onun residivi diaqnozu ilə 5-6 dəfə cərrahi əməliyyat, manipulyasiya və müdaxilələr edilib. Nəticədə fistul əmələ gəlib. Uşaq deyir ki, nə yeyirəm boğazımdakı dəlikdən çölə çıxır. Əvvəl inanmadıq, sonra udlağın per os kontrastlı Rentgen müayinəsi və fistuloqrafiya zamanı gördük ki, həqiqətən dəri səthindəki fistulun xarici dəliyindən yeritdiyimiz kontrast maddə udlağın sağ armudabənzər cibinə, oradan da qida borusuna axır".