Ukraynanın bərpası üçün 349 milyard dollar lazım olacaq

Avropa Komissiyası, Kiyev hakimiyyəti və Dünya Bankı Ukraynanın bərpasına lazım olan vəsaiti hesablayıblar. Onların qiymətləndirməsinə görə, bu məbləğ 349 milyard dollar təşkil edəcək.

News24-az xarici KİV-ə istinadla xəbər verir ki, qeyd olunan rəqəm üç tərəfin cümə günü Avropa Komissiyasının saytında dərc olunmuş birgə bəyanatında yer alıb.

“Ukrayna hökuməti, Avropa Komissiyası və Dünya Bankı tərəfdaşları ilə birgə Ukraynanın yenidən qurulması və bərpası üçün lazım olan vəsaiti 349 milyard dollar həcmində qiymətləndiriblər. Müharibə davam etdiyi üçün yaxın aylarda bu rəqəmin artacağı gözlənilir”, - bəyanatda belə deyilir.