Qəbələdə toydan çıxan şəxsi maşın vurub öldürdü

Qəbələdə toydan çıxan şəxsi avtomobil vuraraq öldürüb.

Hadisə Qaraməryəm-İsmayıllı-Şəki avtomobil yolunun, Qəbələ rayonunun Zarağan kəndi ərazisindən keçən hissəsində baş verib.

Şəxsiyyəti hələ ki, məlum olmayan orta yaşlı şəxs toydan çıxıb yolu keçmək istəyərkən onu avtomobil vurub.

Piyada aldığı ağır xəsarətlərdən elə hadisə yerindəcə keçinib.

Faktla bağlı araşdırma aparılır./Qafqazinfo/